Skip to main content

Khwaab Ka Paudha -- I

Umr ke kacche mod pe

Khwaabon ka ek ped lagaya

Ruk kar do ghadi ek din for

Seench usko pyar jataya


Jaane ki jaldi thi shaayad

Agli subah bula rahi thi

Naye dhuno aur naye raag ka

Naya khwaab who dikha rahi thi


Uncchai ki chhah liye

Aur kuchh karne ki pyaas liye

Chhod chala apne paudhe ko

Bas yaadein apne saath liye

Chala chala un raahon mein fir

Gumnaami ki raat kati

Fir aaya who naya savera

Khushiyon ki barsaat hui


Kuchh aise jeevan beeta aur

Kuchh khoya kuchh paya maine

Har baadha ko paar kiya aur

Har manzil ko paaya maine


Khushiyon ke is kolaahal mein

Shaam hui main bhayak raha tha

Kuchh karma baaki tha shaayd

Man ke andar kuchh bhatak raha tha


Yaad aayen kuchh beeti baatein

Jin par parda main gira chukka tha

Boya tha barson pehle jo

Khwaabon ka paudha bula raha tha

Turant utha fir, chhod chala sab

Us paudhe se mujhko milna tha

Fati puraani yaadon ko

Uski chhaon mein seena tha


Usi rah par naye safar mein

Dekha jo dil dahal gaya tha

Manzar badle, mausam badal

Pal dar pal sab badal gaya tha


In par hi to chal aay tha main

Par ab rasta lamba lagta tha

Umr hui un raaton ki jab

Apni khoj mein chalta tha

Aakhirkaar ghadi aaye who

Dil zoron se tha dhadak raha tha

Meri annkhon kea age who

Mera paudha chahak raha tha


Bada ho chukka tha who ab tak

Daali daali thi lachak rahi

Meri hare k safalta isme

Fal ban ke thi latak rahi


Us paudhe ki ek jhalak mein

Fir se saara jeevan dekha

Aankhen nam thi, badal garje

Kya khwaabon ka mausam dekha


Kuchh baatein ki hum dono ne

Bhule bisre kisse duhraye

Raat ki datsak par fir humne

Antim chhandon ke geet sunaye


Thak chukka tha man ab mera

Thak chuke the mere paon

So gayi uski baahon mein

Wahi odh kar uski chhaon

Comments

  1. aashavad nirashavad mein paudhe ki kahe maar diya hai

    ReplyDelete
  2. yaadon ke is paudhe ko
    tu aise mat maar zaraa
    abhi aandhi aayi nahi hai
    use puchkaar zaraa..

    chale chal uske goad mein
    use sehlaa zaraa
    abhi to janm hua hai uska
    aise mat maar zaraa..

    Great post man..

    ReplyDelete

Post a Comment

Popular posts from this blog

FIFA World Cup 2018: A not-so-artificially-intelligent predictor

JUN 20, 2018:
It's been close to a week since FIFA World Cup 2018 started. We have already seen almost as many upsets as there were fancy advanced models pre-tournament trying to predict the outcomes. There has been a flurry of articles and scholarly papers using Artificial Intelligence and Machine Learning to predict the tournament results this year. Included in that list are the usual suspects such as FiveThirtyEight and bookmakers, as well as unlikely participants such as Goldman Sachs and Cornell University (maybe not that unlikely).
Inspired by these articles, some heated arguments, a few cups of coffee, and with my trusted Microsoft Excel, I set about creating my own not-so-intelligent predictor. It's a fairly simple model that runs Monte Carlo simulations, and uses some hard coded inputs on pre-tournament form, such as: FIFA Ranking PointsFootball ELO RatingsGoals Scored, Goal Conceded and Undefeated streaks since World Cup 2014Number of Ballon d'Or winners in the team

The practical dSLR buying guide

If you are planning to buy a dSLR, here are the steps that you should follow. The first rule of buying a dSLR is do not buy a dSLR.
The second rule of buying a dSLR is do NOT buy a dSLR. Seriously! You may think that you are ready, that you know what you are getting into. But trust me, you are not. dSLRs are not just cameras, they are relationships. And like any relationship they have to be maintained – they require time, money and effort. And much like that rebound you regretted getting into, at some point you will regret this.

These things are big, bulky, heavy and conspicuous – you will probably require a separate bag when you are packing for a trip, you will have to sacrifice underwear or deodorant (or both) on that hike, the strangers would glare at you as they would at a monkey with a camera (which you most likely end up looking like anyway), and everyone will expect each frame you click to be poetry frozen in time. You can’t carry them to the local pub; you can’t dance with th…

Reflections

महफ़िलें वही हैं, ये
जाम दूसरा है
बाज़ार है वही, पर
दाम दूसरा है

ख्वाहिशें वही हैं
खुमार दूसरा है
यार भी वही हैं, पर
प्यार दूसरा है

सब कुछ है हूबहू, बस
ख्याल दूसरा है
वो साल दूसरा था, ये
साल दूसरा है

_______________________________________________

mehfilein wahi hain, par
jaam doosra hai
bazaar bhi wahi hai, par
daam doosra hai

khwahishein wahi hain
khumaar doosra hai
yaar bhi wahi hain, par
pyaar doosra hai

sab kuchh hai hu-ba-hu, bas
khayal doosra hai
woh saal doosra tha
yeh saal doosra hai