Umr ke kacche mod pe
Khwaabon ka ek ped lagaya
Ruk kar do ghadi ek din for
Seench usko – pyar jataya
Jaane ki jaldi thi shaayad
Agli subah bula rahi thi
Naye dhuno aur naye raag ka
Naya khwaab who dikha rahi thi
Uncchai ki chhah liye
Aur kuchh karne ki pyaas liye
Chhod chala apne paudhe ko
Bas yaadein apne saath liye
Chala chala un raahon mein fir
Gumnaami ki raat kati
Fir aaya who naya savera
Khushiyon ki barsaat hui
Kuchh aise jeevan beeta aur
Kuchh khoya kuchh paya maine
Har baadha ko paar kiya aur
Har manzil ko paaya maine
Khushiyon ke is kolaahal mein
Shaam hui main bhayak raha tha
Kuchh karma baaki tha shaayd
Man ke andar kuchh bhatak raha tha
Yaad aayen kuchh beeti baatein
Jin par parda main gira chukka tha
Boya tha barson pehle jo
Khwaabon ka paudha bula raha thA
Bahut soch kar aakhir ek din
Usi raah par kadam badhaye
Sab kuchh tha kal ke hi jaisa
Kisse saare sune sunaye
Fir aaya woh mod puraana
Par kuchh badla badla sa tha
Mere paudhe ki mitti par
Koi sookhi thoonth ki kaaya sa tha
Jhar bikhre the saare patte
Ek fool ka naam na tha
Mere naakaam iraadon ka
Mujh par aisa ilzaam sa tha
Kaati thi usne tanha raatein
Jab koi megh na baras raha tha
Meri khwaabon ka paudha lekin
Meri aankhon ko taras raha tha
Har sach jhootha lagta tha ab
Who pehla khwaab adhoora tha
Kaali chadar si chhayi mujh par
Bas chaaron or andhera tha
Aansoon se seenchoon ab usko
Man ka sagar par sookh chukka tha
Dekh ke tooti tehniyon ko
Man ke andar sab toot chukka tha
Thak haar sameta apne man ko
Chun uthaye patte ek do
Baandha pehle khwaab ko usme

paudha vapas bo de dost
ReplyDeleteaur pani ki dhar laga
haare na wo pehli chaah
baazi fir ik baar laga
fir se dhoop hawa pani de
sapne par mat haar laga
jitni mehnat kar aaya hai
paudhe par guna chaar laga
pehla pyar na bhula jaye
pehla sapna tut na paye
us pehli chingari khatir
jeevan is par yaar laga.
:)
paudhe aur manushya mein
ReplyDeletetu bas fark samhaj
us paudhe ki kabra par tu
fir barsaat kara .
ji uthega fir wo paudha
ban jayga wo ped
gir gir ke uthna hi
hai is jeevan ka khel.
well written dude
so beautiful :)
ReplyDeletei m sowmya,anup's friend. he forwarded me ur url, i read it and liked the poem,thr4 posted a comment.
ReplyDeletethanks to all
ReplyDeleteand yes i am tryingto kep the khwaab ka paudha alive
and now i discover that you 're a gr8 writer.... the flow of your poems is excellent....
ReplyDelete